Isa 45 | ZomZIV | STEP | Hih in ama mai ah minamte nuaisiaha kumpite a gal van uh a hawkkhia ding le kongpite a kikhak loh nadingin ama mai ah kongkhakte a hong dinga a taklam khut ka let, a sathau nilhpa Cyrus tunga TOPA in a gen ahi hi.

1 Hih in ama mai ah minamte nuaisiaha
kumpite a gal van uh a hawkkhia ding le
kongpite a kikhak loh nadingin
ama mai ah kongkhakte a hong dinga
a taklam khut ka let,
a sathau nilhpa Cyrus tunga TOPA in a gen ahi hi. ^a
2 Na mai-ah ka pai dinga, ^b
mualliante ^{▼▼45.2 Tuipi Si le Septuagint; Masoretic ah hih kammal kician lo hi.} maihtamin ^d
sumngo kongpite ka sutan dinga
a kalhna sikzawlte ka attan ding hi.
3 Note mina hong sam TOPA Israel-te Pasian
keimah ka hilam na theih nadingun
khuamialna goute le mun simthama kikhol ^e
hauhnate nang kong pia ding hi. ^f
4 Ka nasempa Jacob,
ka teelsa Israel ka cihna-in ^g
na minun kong sama,
nong theih loh uh hangin
pahtawina za min note kong pia hi. ^h
5 Keimah TOPA ka hi-a, adang kuamah a om kei hi; ⁱ
keimah longal Pasian dang a om kei hi. ^j
Nang nong theih loh hang in,
kong thakhauhsak ding hi, ^k
6 tua pen nisuahna pan
nitumna mun dong
mite in kei longal adang kuamah a om loh lam a theih nading uh ahi hi. ^l
Keimah TOPA ka hi-a, adang a om kei hi.
7 Khuavak ka bawla, khuamial ka piangsak hi,
ka daupaisak a, tuahsiatna ka piangsak hi; ^m
hihte khempeuh keimah TOPA hih ahi hi.
8 “Tunglam a vante aw, thumaanna zusak un;
meiite buaksuksak un.
Leitung zapi-in kihong henla,
hotkhiatna phultosakin
thumaanna tawh pokhawm hen;
keimah TOPA in ka piansak ahi hi.
9 “Amah a Bawlpa tawh a kitawngpa tung, ⁿ
leituala leibeel themte laka leibeel them khat tungah gimna tung ta hen.
Tungman in beelseekpa tungah,
‘Nang bang bawl na hi hiam?’ ci thei ahi hiam?
Na nasep in,
‘Amah in khut a nei kei hi,’ ci thei ding ahi hiam?
10 A pa tungah,
‘Nang bang ta nei na hi hiam,’
ahikeh a nu kiangah,
‘Nang bang hingkhia na hi hiam?’ a cipa in gimna thuak ta hen.
11 “TOPA gen hih ahi hi -
Israel-te Siangtho Pa amah Bawlpa in: ^o
Hong tung ding nate tawh kisai-in,
ka tate thu tawh kisai ahikeh
ka khuta ka sepsate hong dong na hi uh hiam?
12 Leitung a piangsakpa keimah ka hi a,
a tunga mihing a piangsakpa keimah ka hi hi.
Keima khutin vantungte ka zalkhia a, ^p
amau aksi honpite ka gual hi. ^q
13 Ka thumaanna-in Cyrus ^{▼▼45.13 Hebrew in amah} ka khangsak dinga: ^s
a lampite khempeuh ka tangsak ding hi. ^t
Ka khuapi a lampha dinga
ka saltangte a khah ding hi;
ahi hangin tua pen thaman ading ahikeh pahtakman hi lo ding hi,’
Thahatpen TOPA in ci hi,”

14 TOPA gen hih a hi hi:

Egypt gama na piangte, Cush ^{▼▼45.14 Tua in Nile khunglam kual} a sumbuk vante le
Sabean mi tunsangte -
na kiangah hong pai ding uh a,
nang aa ahi ding uh hi.
Amaute in nang hong nungzuih ding uh a,
sikkhau khihsa-in nang kiang hong zuan ding uh hi. ^v
Amaute na mai-ah kun ding uh a,
hong thumin,
‘Nang tawh Pasian om takpi a, adang a om kei hi;
pasian dang a om kei hi’ ci ding uh hi,” a ci hi.
15 Israel-te Honpa le Pasian aw,
amah le amah a kisel a man Pasian nangmah na hi hi. ^w
16 Milim bawlte khempeuh kizumsak, kizahlaksak ding hi; ^x
amaute zahlakin a paikhia khawm ding uh hi.
17 Ahi hangin TOPA in tawntung hotkhiatna-in
Israel a honkhia ding hi; ^y
khang tawntungin note hong kimaizumsak,
hong kizahlaksak nawn kei ding hi. ^z
18 Ahang in, TOPA cih hih ahi hi -
Vante a piangsakpa
amah Pasian ahi hi;
amah in leitung zemin bawla
kipsak hi;
a hawma om dingin piangsak lo a, ^aa
mihing ten nadingin a sutuah hi - ^ab
Amah in:
“Keimah TOPA ka hi a,
adang a om kei hi. ^ac
19 Keimah in khuamialna mun khatpeuh panin
a simthamin thu ka gen kei a;
Jacob suante tungah, ^ad
‘A mawkna-in kei hong zong un,’ ka ci kei hi. ^ae
keimah TOPA in thutak ka gen hi;
thumaan bek ka genkhia hi.
20 “No minamte pana a taimangte aw,
kikaikhawmin kigawm unla hong pai un.
A hon thei lo pasiante tungah thu ngen a,
sing milim a pua kawikawite bangmah a thei lo uh ahi hi. ^af
21 Bang piang ding hiam genkhia-in thu sung un -
amaute kikumkhawmsak un.
hih thu sawt pekin kua in genkhol a,
hun beisa lai-in kua in genkhia ahi hiam?
a genkhia keimah TOPA hi lo ka hi hiam?
Keimah Pasian longal
a thumaan Pasian le Honpa dang kuamah a om kei hi; ^ag
kuamah om lo hi, keimah ka hi hi.
22 “No leimongte a omte khempeuh aw,
keimah longal Pasian dang om lo ahi manin
kei lamah kihei-in kihonkhia un. ^ah
23 Kei mahmahin keimah ka kiciam khina, ^ai
a kidokkik nawn lo ding kammal khat ^aj
cihtakna tawh ka kamin ka genkhia khin hi: ^ak
Keima mai-ah khuk khempeuh khukdin dinga,
kei tungah lei peuhmah a kiciam ding uh hi. ^al
24 Amaute in, ‘TOPA sung bekah thumaanna le
thahatna om hi’ hong ci ding uh hi,” a ci hi. ^am
Ama langa a heh khempeuh
ama kiangah pai ding uh a, a kimaizumsak ding hi. Isa 41:11
25 Ahi hangin TOPA sunga om Israel suante khempeuh lakah
thumaan kimu dinga a ki-angtangsak ding hi. ^an